آخر تحديث :الإثنين - 27 يوليو 2026 - 03:41 ص

العدني حقاني

الإثنين - 01 يناير 2018 - الساعة 09:57 م

بقلم: رعد الريمي - ارشيف الكاتب

تابعونا على

الصباح ذا بصراحة انا احبه، واتعامل معه زي بنتي، اشوف مزاجه اذا رايقة اصافطه واذا ضبحانة اسقله . والصباح كذا اشوف مزاجه لا فين رايح مرات يسكب لي خير كثير ومرات أو أو أو ياساتر زي القصبة حق المي ولا قطرة.. طبعا قصبة من حق ذي اليومتين مش من حق زمان... المهم اليوم الصباح قلت بروح المحكمة باقلب با شوف خبر هنا والا هنا ، بحكم المهنة نترزق ... المهم وانا بالمحكمة جالس الا وحرمة لابسه شيدر ودرع طبعا للي يعرف المحكمة في كراسي فضية يجلسوا الناس فيها مدري كيف لهم صلحوها. المهم انا منتظر يجيبوا المسجون قلت براعي قليل الا وجلست جنبي حرمه كبيرة بالسن. كذا مباشرة تقول لي البلاد ذي الباطل فيها زي شجرة المريمرة كل ماله يكبر.. انا قلت ها لهنا وبس الفرصة اجت... لفت لها وقلت باجرجرة بالهدرة وبدأت أجرجر الحرمة ... ايوه ياحجة خير ايش في ! قالت يبني تعرف ذا الولد قلت له لا،ماله ! كان في واحد مستقيم ومتركي بالجدار وصورته مسكين ترحم قالت : ذاك زوج بنتي اجا له أبني الله يسامحه وصاحبه بايام العيد وضربوه وخمدوه وتعدوا عليه وضربوه ضرب وراحوا الشرطة وسجنوه انا فلت لقفي قلت له : اه كيف يحجة نعم بغابه نحن مالك قولي خير؟! قالت بصوت عالي والله .. ايش بكذب عليك.. قلت له ايوه وانا مسموخ تقول لطمني جني قالت: اجوا يتبلطج عليه ابني وصاحبه لبيته وسجنوه .. واني جريت بالشرطة وخرجتة ورحت للنيابة ووقفت ضد ابني لاني كنت بالبيت وشفت كل حاجة بعيني وشهدتت ضد أبني والان اني واقفة ضد ابني مع زوج بنتي مش لانه زوج بنتي لا لا لا . بس لان الباطل حرام مايرضى به الله ولارسوله. رجعت قلت له: أيوه ياحجه ايوه رجعت هي لملمت الشيدر بيده تحت رقبته وتهدر وتقول: صدقني بجري مع زوج بنتي وبسجن ابني لانه غلطان بس انا قلت: ياربي ذي النفسيه الحقانية والله هذه النفسية ما بتلاقيها الا عند العدانيا وبس...

مواضيع قد تهمك

توضيح أمني بشأن بلاغ اختفاء فتاتين في مديرية المنصورة بعدن ...

الإثنين/27/يوليو/2026 - 12:33 ص

أكدت مصادر أمنية أنه تم *تلقي بلاغ رسمي لدى شرطة المنصورة يوم أمس السبت بشأن اختفاء الفتاتين: منى سند عمر العزاني و نعمة عماد علي، من أبناء المديرية.

عاجل / بن بريك يعلّق عضويته في تحضيرية المجلس التنسيقي بحضرم ...

الأحد/26/يوليو/2026 - 10:32 م

أعلن نائب رئيس المجلس الانتقالي الجنوبي ومحافظ حضرموت الأسبق، اللواء الركن أحمد سعيد بن بريك، تعليق عضويته في اللجنة التحضيرية للمجلس التنسيقي الأعلى

"لا للوصاية".. فعالية نسوية حاشدة في المكلا تندد بتدهور الخد ...

الأحد/26/يوليو/2026 - 06:31 م

في إطار البرنامج التصعيدي السلمي، وبمشاركة نسوية واسعة، نظمت القيادة المحلية للمجلس الانتقالي الجنوبي العربي بمحافظة حضرموت، عصر اليوم الأحد، فعالية ن

تظاهرة حاشدة في عدن تجدد رفض الوصاية وتؤكد دعمها للمجلس الان ...

الأحد/26/يوليو/2026 - 05:10 م

نظّمت الهيئة التنفيذية للقيادة المحلية للمجلس الانتقالي الجنوبي في العاصمة عدن، اليوم الأحد، تظاهرة جماهيرية في مديرية المنصورة، بمشاركة حشود من أبناء

كتابات واقلام