حملة إنسانية : خلونا نثبت لبدر إن عدن ما تترك عيالها

هذا الشاب اسمه بدر مصور منصة عدن 360

بدر اللي عشنا معه أجمل لحظات عدن من خلال عدسته اللي كان يلف الشوارع والأزقة عشان يصور قصص الناس ويبادر في فعل الخير وكل هذا كان يسويه بالمجان حباً في عدن وأهلها اليوم هو اللي بحاجتنا.

يوم أمس تعرض بدر لحادث مخيف في خط الجسر حادث تقشعر له الأبدان سيارته اللي أخذها بالتقسيط وشقي فيها سنين احترقت بالكامل قدام عيونه وتحولت لقطعة حديد تخيلوا القهر السيارة اللي هي مصدر رزقه وسنده راحت في لحظة.

لكن المصيبة ما وقفت هنا السيارة كان فيها أمانات لناس كاميرات غالية وجوالات وكلها راحت مع الحريق وفوق هذا كله وبسبب الحادث صدم سيارة وباص والآن أصحاب الحلال يطالبوا بحقهم وبدر واقف لوحده أمام جبل من الالتزامات والديون وهو لسه تحت تأثير صدمة الحادث.

بدر اللي كان دائماً يظهر جمال عدن ويوثق معاناة ناسها ويجبر خواطرهم اليوم هو في ابتلاء كبير ومحتاج وقفتنا معه هو ما نسي عدن ولا أهلها في يوم والآن جاء الدور علينا نثبت له إن الخير باقي في الناس.

نحن قررنا نفتح حملة تبرع لأخونا وابننا بدر عشان نساعده يقضي ديون الناس اللي خسروا أماناتهم وسياراتهم بسببه وعشان نخفف عنه هذا الحمل الثقيل.

في زمن الصعوبات خلونا نثبت لبدر إن عدن ما تترك عيالها وإن الأمانة والشهامة أغلى من كنوز الدنيا كلها كونوا مع بدر مثل ما كان معكم دائماً

رقم حسابه القطيبي : 472218114 بإسم بدر لؤي

رقم حسابه كريمي : 3004638758 يمني

الله يبارك في كل من بادر وساعد ويكثر من أمثالكم اللي يخلونا نرجع نؤمن إن الناس لبعضها فعلاً جبر الخواطر في هذا الوقت هو أعظم تجارة مع الله إنا لله وإنا إليه راجعون والحمد لله على سلامة بدر.