في تعبير جلي نشرته الكاتبة الصحفية المصرية ولاء عمران قبل قليل على حائط صفحتها بالفيسبوك قالت فيه :
"بكره الاثنين ٤ مايو يوم مهم جدًا بالنسبة لي… حفل توقيع أول كتاب ليا " أيام في خليج عدن " الساعة "٥" في نقابة الصحفيين ، الدور الرابع ، قاعة محمد حسنين هيكل
يمكن كل يوم بينزل كتب جديدة وكتّاب كتير بيحققوا نفس الخطوة، ويمكن في ناس تشوف إني مكبرة الموضوع أو مبالغة في فرحتي… بس الحقيقة أنا مش ببالغ خالص. أنا سعيدة جدًا، وفخورة جدًا، لأن الكتاب ده بالنسبة لي مش شوية ورق وكلام ،، ده حلم كان جوايا وهدف كنت بتمناه من زمان، والحمد لله أخيرًا اتحقق.
بتمنى اليوم يعدي بهدوء وفرحة من غير أي حاجة تضايقني أو تعكر اللحظة دي ، والأهم من أي حاجة… نفسي يكون حواليا بس الناس اللي بتحبني ، واللي نجاحي بيفرق معاهم
واللي هييجي، ييجي علشان حابب يكون معايا في اللحظة دي ، ويشاركني لحظات بعتبرها من أهم لحظات حياتي.
#عندنا_فرحه
#عندنا_كتاب